hhh

LOKSSSIIIINNSSS nýjar myndir

Ehehe... Nýjar get ég varla kallað þessar myndir. Þær eru frá í febrúar og mars. En úr þessu verður bætt núna á næstunni enda við búin að endurheimta myndavélina.

Hér er slóðin:
http://picasaweb.google.com/gemill79/EmilAFebrAr200802#

Fleiri myndir

Nú er ég búinn að setja myndir af Emilíu frá því í janúar. Síðan við skrifuðum eitthvað á síðuna hefur Emilía orðið fullorðnari og fullorðnari. Þann 6. febrúar sl. varð litla rúsínan einmitt eins árs og var það stór dagur hjá henni. Síðan hefur hún verið að taka sín fyrstu spor þessa dagana og herma staðfestar fregnir um að hún hafi tekið mest 10 skref einn daginn. Við foreldrarnir erum náttúrulega voða montnir af snúllunni okkar út af þessu.

Hér koma svo myndirnar nýju:

Emilía Janúar 2008

hæ hæ allir, alveg kominn tími á fréttir frá fjölskyldunni á Sólbakkanum.
Við fórum til Manchester um mánaðamótin og vorum alveg í skýjunum eftir þá ferð, ekkert smá gaman að hitta Ágústu og Andý og einnig Ólöfu, ekki oft sem við erum saman systurnar. Við áttum góðar stundir hjá þeim í fína húsinu þeirra, þar er ekki hægt að óska sér betri gestgjafa, þau redduðu öllu fyrir Emilíu, bílstól, rúmi og hástól, btw þau fengu bílstólinn á eitt pund á ebay, algjör snilld.
Emilía fékk að hitta vini sína Tom og Ben sem eru tveggja mánaða, þeir eru systursynirAndy, algjörar snúllur. Það er nú ekkert lítið fyrirtæki að vera með tvö börn, tvennt af öllu, hresst.

Emilía er alltaf að þroskast meira og meira og það er svo yndislegt að fylgjast með henni, hún lærði að veifa hjá Ágústu frænku, voða dugleg, veifið er mjög fullorðinslegt, ekki svona kreppa-hnefann veif eins og sum börn gera en ekki heldur drottningaveif, einhversstaðar þarna á milli
Svo kann hún að klappa(mánuður síðan hún lærði það, frekar sein með fréttir), hún klappar stundum þegar maður veifar henni og öfugt(allt að koma) og svo um daginn þá var hún eitthvað að kvarta en var samt líka að klappa eins og hún yrði að halda uppi fjörinu þrátt fyrir þreytu, æi frekar fyndin þessi elska.

Nú er hún byrjuð að standa upp og labba aðeins meðfram, fjörið er s.s byrjað. Ég vaknaði eina nóttina við hana standandi í rúminu sínu grátandi, mér brá frekar og við voru ekki lengi að lækka botninn í rúminu.

Við skötuhjúin fórum á Bubba tónleika í gær í tilefni að Jónasardeginum, það var mjög fínt, Bubbi er alveg ágætur, hann sagði skemmtilegar sögur á milli á dönsku en mamma hann er dönsk og talar hann fína dönsku. æi hann er samt svo spes, virkaði eins og hann nennti ekkert að vera þarna, spurði fólkið hvað klukkan væri og var ekkert hrifinn af því að fólk væri að taka myndir af sér, bara svona týbískur Bubbi.

En það er annars bara allt gott að frétta af okkur, við komum heim til Íslands 21. des og verðum til 4. janúar, ekkert voða langt frí en ég er að fara í próf í byrjun janúar.

Hér eru nokkrar myndir, úr ferðinni,kann ekki alveg á myndasíðuna þannig að Guðjón bætir myndum inn á hana við tækifæri.